O PP denuncia que o goberno de Carballo non ten solucións para o comercio local

O Grupo municipal do PP de Carballo critica nunha nota remitida a Carballo Dixital as últimas accións do grupo de goberno no que atinxe á Concellería de Comercio, “que mostran ás claras o rumbo errático do goberno, a falta de coordinación entre as concellarías e a falta de iniciativas que aporten solucións ós problemas dos comerciantes de Carballo.”

Referíndose á enquisa que enviou o concelleiro Pérez Ferreiro ós comerciantes, califícana como “unha acción propagandística e que amosa a incapacidade e total falta de solucións do tripartito para o comercio local.”

Para os populares, “non é de recibo plantexar unha enquisa para coñecer os problemas dos comerciantes cando xa se levan consumido mais das 2/3 partes do mandato.

A estas alturas deberíamos empezar a comprobar os resultados das accións do goberno e agora sería o momento de avaliar os resultados das políticas desenvolvidas, non de ´coñecer´ os problemas."

Segundo o PP, “a propia comunicación remitida ós comerciantes identifica unha serie de problemas do comercio local: Falta de formación dos comerciantes, forte competencia, falta de persoal especializado, problemas urbanísticos,etc. Se xa está feito este diagnóstico, ¿por qué non se poñen os medios para resolve-los problemas? ¿Qué ten feito o goberno nestes anos para darlles solución?”

Sigue decindo o PP:

“Unha enquisa sin obxetivos claros e co único propósito de ´controlar´ ás asociacións profesionais de comerciantes.

Non se solicita ningunha información relevante, nin que non fora coñecida xa a traverso dos múltiples estudios e traballos (públicos e privados) que existen sobre o comercio de Carballo.

Non pide ós enquisados a sua valoración sobre das actuacións do goberno e si a das asociacions empresariais á que pertenecen, nun claro intento de deslixitimar a súa representatividade e de poñer en cuestión a súa actividade.

A descoordinación das accións do goberno provoca un despilfarro dos recursos públicos e a falta total de credibilidade do goberno.

Por unha banda, o tripartito gasta importantes cantidades de recursos públicos en propaganda da campaña ´aumenta o teu interés´para impulsar o uso do galego no comercio, e pola outra, o mesmo goberno lanza unha enquisa a comerciantes utilizando o español, no que resulta unha mostra máis da mala xestión dos cartos públicos, do despilfarro permanente e da descoordinación que existe no Concello.

Cada concelleiro ´anda por libre´, cada grupo político fai a guerra pola súa conta e non existe nin a máis mínima comunicación nin coordinación entre eles. No tripartito, ´a man esquerda non sabe o que fai a dereita´.

En tres anos, o tripartito non aportou ningunha solución e coa súa actuación fixeron medrar os problemas do comercio.

Non solucionaron ningún dos problemas que existían cando chegaron (aparcamento, melloras entornos urbanos, etc.) e co seu proxecto de instalar un centro comercial na Praza do Concello crearon preocupación, inestabilidade, desconfianza e desánimo entre comerciantes, actuando de costas á opinión dos interesados e sin aportar ningunha solución."