Bitácora de noticias e opinións sobre a actualidade de Carballo

jueves, abril 20, 2006

Tal como somos


Interesante noticia publicada na web do Consello da Cultura Galega, con motivo de “EnBlogs´06: Encontro de blogs de Galicia e Portugal”.

Reseña as investigacións de Silvia Canabal, da Universidade de Santiago, e Fernando Garrido, do Observatorio da Cibersociedade, sobre o perfil dos blogs en galego (un dos seleccionados para o estudio elaborado por Fernando Garrido foi Carballo Dixital).

O estudio de Silvia Canabal danos esta foto do blog-galego-tipo:

• 69% dos blogs en galego creáronse no 2005 (entre os que se atopa Carballo Dixital)

• 80% son blogs monolingües en galego (no caso de CD, somos bilingües)

• Existe pouca especialización temática (só o 10% dos blogs) (neste caso, estamos na minoría)

• A autoría é individual no 85 % dos casos (novamente nos apartamos da maioría)

• Utilizan pseudónimo o 78% dos autores (igual que CD, o que demostra que esa é a tónica xeral, malia que haxa quen o critique)

• En prácticamente tódalas bitácoras se permiten comentarios (como en CD)

Blogger é o software predominante e Blogspot é o servizo maioritario (son os que utilizamos nós)

• Só o 20% renova o seu blog case tódolos días (CD está nese 20%)

O sociólogo Fernando Garrido e Carlos Neira ofreceron pola súa banda os resultados dunha enquisa feita aos blogueiros galegos que apunta... que a idade deste colectivo está entre os 15 e os 29 anos, case en igualdade homes e mulleres, que levan máis de cinco anos na rede nun 60% dos casos, que escriben por motivos como expresarse libremente ou compartir coñecementos, que nun 90% dos casos teñen a maior parte da súa bitácora en galego e que empregan numerosos dispositivos tecnolóxicos.

Para Fernando Garrido, “a explosión dos blogs en Galicia aínda non se produciu e será a un ano vista”. Un fenómeno que da conta, para este investigador, da madurez dunha sociedade.

Podedes acceder á noticia completa neste enlace: http://www.consellodacultura.org/noticias/2006/19_04_06_blogs.htm





3 Comments:

Anonymous Anónimo said...

COMO CARBALLESES DEBERIADES DE FACERVOS ECO DE QUE NESE ACTO, UNHA EMPRESA CARBALLESA PRESENTOU CO PRIMEIRO SISTEMA DESENROLADO EN GALICIA DE CREACIÓN DE BLOGS.

20/4/06 19:16

 
Blogger Carballo Dixital said...

É unha estupenda noticia, non estabamos enterados, ¿podes darnos máis datos?

Gracias.

20/4/06 19:56

 
Anonymous Anónimo said...

www.blogoteca.com

21/4/06 14:27

 

Publicar un comentario

<< Home

 
eXTReMe Tracker
Enlace ó noso arquivo RSS Feedburner