Ou non tan ben…

Con risco de equivocarnos adiantámonos ós acontecementos, porque xa temos suficiente coñecemento da política carballesa como poder prever, con certo grao de probabilidade, o que vai a pasar.

Se no último post falabamos da chamada ó entendemento que fixo o alcalde Evencio Ferrero, dicindo ó mesmo tempo que branco e que negro, agora o asunto toma unha nova volta de torca. Porque o propio alcalde saía onte de forma inusual no Diario de Bergantiños atribuíndo á concellería de Medio Ambiente (do BNG, por suposto) a autoría das obras de saneamento que se teñen realizado na lexislatura. As mesmas obras que Andrade ten atribuído á xestión do CDI.

De modo que, ou moito nos equivocamos, ou as chamadas á calma foron máis unha formalidade que unha intención real, e non habemos tardar en escoitar a resposta de Manuel Andrade. E é que, en ano electoral, as “hondonadas” priman sobre o “vamos a llevarnos bien”. Eso si, cabe lembrar que o tenente de alcalde xa non ten na súa man a coñecida arma da moción de censura, e está en inferioridade de condicións con respecto ó BNG.