Non aprende

A frase de que o ser humano é o único que tropeza dúas veces coa mesma pedra cobra todo o seu sentido cando falamos de Manuel Andrade.

Hoxe sorprendeunos novamente (e mira que é difícil que este nos sorprenda) cunhas declaracións nas que se refire ó seu proxecto do parque no monte de Santa Lucía (xa sabedes: consiste en que o empresario explota unha canteira, causa uns danos no entorno, e cando acaba a explotación cédella ó Concello, que correrá gratis et amore cos gastos da rexeneración. Eso sí, o empresario recibe “a cambio” unhas contrapartidas urbanísticas para poder edificar onde antes non se podía. Negocio redondo para ¿todos?).

Según di hoxe LVDG, o cazador falou onte en Radio Voz Bergantiños. E dixo que o seu proxecto remataría coa marxinalidade do entorno: “as cousas hai que facelas sen mirar quen está por cerca. E logo, tratar de poñer orde e cuidalas entre todos. Isto dígoo para os que non están tranquilos, que non se preocupen. Esa zona, en canto a dinamizas, a xente recíclase.”

Igualiño que o que pasou con outra famosa idea súa: o Pavillón da Grela, tamén “estratéxicamente” situado. 25 anos despois os carballeses siguen negándose a utilizalo. E que Andrade é un incomprendido.