Franc3s

Aló polos oitenta e primeiros noventa proliferaron na nosa cidade un importante número de grupos de rock, que aínda que non chegaron a dar o salto a fama, deixaron un recordo imborrable entre todos nós. Non hai moito, eran “All loved up” os que acadaban o recoñecemento polo seu traballo. E agora temos o gustazo de presentar unha nova formación local que ven de saltar á actualidade.

Xa tiñan aparecido nalgún dos nosos post anteriores, pero agora “Franc3s” son noticia de primeira fila por si mesmos. Este trío musical carballés, formado por María, Patricia e Alberto, ven de facerse un importante espacio dentro da música alternativa en España grazas ó seu 5º posto no “Proyecto Demo”. Trátase dun concurso de captación de novos talentos no que os nosos veciños chegaron ás semifinais, sendo os únicos galegos entre os 10 primeiros. Radio 3, a cadena especializada neste tipo de músicas, ten radiado xa parte da súa música (http://www.megaupload.com/?d=1C9X36BA) e tamén na TVG se teñen ocupado do seu traballo.

Todo isto e moito máis podédelo ver nos espacios que eles mesmos realizan na Internet, tanto en blogia como no myspace, espacios que levan case dous anos no aire e onde tamén se ocupan da poesía ou da pintura.

Coma xa dixeramos, con iniciativas coma o PopXiriaPop, On the rock’s, ou a promoción privada de hostaleiros locais, Carballo está a facerse un nome na música rock, e con grupos locais pegando forte por España adiante ese nome non pode deixar de medrar.