Bitácora de noticias e opinións sobre a actualidade de Carballo

miércoles, marzo 12, 2008

Temporal na costa



O espectacular temporal que estes días golpeu con forza as costas no norte e noroeste da península ibérica tamén se deixou notar dentro dos nosos lindes.

As pasarelas e pontes da praia de Razo sufriron o enésimo destrozo provocado polo mal tempo, e os membros de Protección Civil houberon de adicar a xornada de onte a recoller os anacos de madeira esparcidos por todo o areal carballés. Dicimos que non é a primeira vez e que tristemente a praia de Razo é unha nas que a forza da natureza se desata con maís violencia provocando toda clase de desperfectos entre os servizos que os imprudentes humanos colocamos con vistas ó verán, sexan duchas, escaleiras, pasarelas ou taludes.

Non chegamos ós extremos do paseo marítimo da Coruña nin de outros lugares de España, pero se cadra habería que pensalo mellor á hora de ocupar un espazo que a forza de mar reclama para si todos os invernos e que tantos cartos nos costa en mantemento e reposicións.



 
eXTReMe Tracker
Enlace ó noso arquivo RSS Feedburner