Bitácora de noticias e opinións sobre a actualidade de Carballo

lunes, noviembre 10, 2008

Día de loito


Cando escoitamos falar de Irak ou Afganistán pensamos en latitudes e culturas tan lonxanas e tan distantes á nosa que semellan sacadas doutro planeta. Sempre coidamos que nós, dende a comodidade e a seguridade do noso primeiro mundo, estamos a salvo das guerras e da miseria doutros lugares; que tanto cando por alí se dilucida é cousa de políticos e xornalistas, que nunca nada nos ha tocar.

Mais tristemente non é así. E cando menos o agardas, a realidade golpéate con forza na túa propia vila, na túa propia xente. Onte coñeciamos a noticia. Un atentado suicida perpetrado polos talibáns mediante unha furgoneta-bomba acababa coa vida de dous soldados do exército español. Ambos pertencían á Brilat, con base en Figueirido (Pontevedra). Do cabo primeiro Rubén Alonso Ríos sabiamos que era de Vigo, mentres que o brigada de Juan Andrés Suárez García era natural de Mieres (Asturias). Pois ben, hoxe descubrimos que este último estaba en realidade afincado na nosa terra, e vivía na rúa Oriente da capital de Bergantiños.

Dende aquí o noso pésame máis sentido á súa familia, ós seus amigos e veciños, así como a nosa admiración polo traballo que estes homes fan tan lonxe do seu fogar. Dende Carballo non voltaremos a mirar a Afganistán do mesmo xeito distante.



Etiquetas:

1 Comments:

Anonymous Anónimo said...

Dende aquí quero expresar as miñas condolencias as familias dos dous militares falecidos no atentado perpetuado en Afganistán, que desta vez tan preto nos afectou.Tamén desexo darlle ánimos á familia doutro membro ferido, José Antonio Cures(Tonín) con raíces en Coristanco.
Aproveito tamén a ocasión para citar a falta de incongruencia do Goberno Local, que por unha lado decreta 3 días de loito, e por outra non soubo estar á altura das circunstancias. E aos feitos me remito: O martes cando chegou o cadaleito de José Andrés ao tanatorio de Carballo, ningún membro do citado Goberno estaba presente para acompañar á familia neste duro transo, agás os membros do PP. Non quero entrar en razóns políticas, soamente en falta de educación e saber estar.Ademais de destacar a ausencia de algún membro da Corporación Local nas honras celebradas en Figueirido. Si ben é certo que estaban presentes dous secretarios dos altos cargos si, que non membros da Corporación.

17/11/08 23:38

 

Publicar un comentario

<< Home

 
eXTReMe Tracker
Enlace ó noso arquivo RSS Feedburner